एआय चे भविष्य उज्ज्वल आहे
भाषेचे भविष्य उज्ज्वल आहे
आणि एक एक अनेकांचे भवितव्य सुद्धा
अत्यंत उज्ज्वल आहे
सांगतात थोर मोठे आणि पारंगत लोक
मनस्वी उत्कटतेने
त्यात भर पडते
अद्वितीय आणि अलौकिक

पण स्वयंघोषीत तज्ञांची
नविन काही असले तर
ते मागे थांबत नाहीत
काळाच्या आणि लोकांच्या पुढे धावायची
असते त्यांना फार घाई

रोजच्या मरण्याला
हुरूप येतो थोडासा
आजचा अंधाराला दिसू लागतो
लख्ख उजेड उद्याचा

मात्र हे सगळे दिसण्यापुरतेच
पोपटाचे भविष्य खरे होते का कधी
बाजारात केलेले असो
वा व्यासपीठावरून केलेले असो

आणि वर्तवलेला क्षेत्रात
वर्तवलेला उज्वल काळ येतो
दबलेल्या पावलांनी
लपत छपत
थोड्याफार द्वारावर ठोठावून
आत शिरतो

ज्यांची द्वारे ठोठावली जात नाही
ते मात्र राहतात व्यस्त
चहा बिडीच्या टपऱ्या, भजी वड्याच्या गाड्या
आणि भाड्याच्या गाड्या चालवत
ओला उबर करत

आणि हेही नसले तर
वार्षिक उत्सव आहेतच
बिभत्स नाचायला
आणि निवडणूका असतात
बिर्याणीमध्ये मांसाचे तुकडे शोधायला

दरम्यान उंबरा वाट पाहत राहतो
कोणीतरी धान्याचे माप सांडून ओलांडण्याची
किती दिवस संट्यानी आज बाहेर करून
उंबरे झिजवायचे

लाकडं मिळेनासी झाली
नविन करायला
आणि म्हणतात
उज्ज्वल भविष्यकाळ
वर्तमानात आला