माय मराठी
ती मराठी
हाय ! कसा आहेस पासून सुरू होऊन
निघतो आम्ही बाय म्हणत संपणारी
ती सुध्दा मराठी
पुस्तकांतून बाहेर येऊन फळ्यांवर उमटणारी
ती सुध्दा माय मराठी
कोल्हापुरी
वरून उग्र भासणारी पण आतून मृदू असलेली
सोलापूरी
मराठवाडी
कायम आपल्या वेगळ्या ठेक्यात चालणारी
खानदेशी
नागपुरी
हापूस आंब्यासारखी गोड असणारी
कोंकणी
अहिराणी
बाजारात रस्त्यावर
तसेच गल्ली गल्लीतल्या भांडणामधे
मुक्तपणे संचार करणारी
आणि हृदयातील कोवळे भाव व्यक्त करणारी
माय मराठी
©️ शशिकांत दूधगावकर
