गालाला गालाचा स्पर्श
हळूवार विलग होणारे
थरथरते अधर
ओठांचा ओठांना स्पर्श
ओझरता
अन आवेगाने मारलेली मिठ्ठी
चार ओठांनी
एकमेकांना
कधी अंदाधुंद
तर कधी हळूवार सुरूवात
स्पर्शाच्या अनेक प्रकारांच्या
अनेक पातळ्यांचा आस्वाद
क्षणाक्षणाला बदलत जाणारा

नकळत जवळ येऊ लागलेल्या पापण्यातून
दिसणारा
एका वेगळ्याच तेजाने भारलेला
नवा भासणारा
तोच नेहमीचा चेहरा

भावनांचा असंख्य आवर्तनांनी
एकाचवेळी वेगात आदळत
उडवलेला कल्लोळ
एकाच वेळी एकाच ठिकाणी
उत्कट, तरल आणि जादुई लाटा
भावनांच्या सागरात उसळतात
कोसळतात
परत उसळतात

जेथे भुत आणि भविष्य गमावून बसते
आपले अथांग अस्तित्व
पुर्णपणे
त्या अंत नसलेल्या वर्तमानात
शब्द संपतात, अर्थ निखळून पडतात
त्या स्वत्व गमावलेल्या क्षणातून
कधीच येऊ नये
जाग